S’Ufìtziu de sa Lìngua Sarda Gràtzias a sa lei 482/1999 e a is àteras leis po s’amparu e s’avaloramentu de sa Lìngua Sarda, su Portalitu de sa Lìngua Sarda de su Comunu de Pauli Arbarei traballat po favoressi e strantaxai su bilinguismu in custa bidda e in totu sa Sardìnnia, est a nai a nci pesai a sa matessi manera is duas lìnguas chi si connoscint e si chistionant innoi: sa lìngua italiana e sa lìngua sarda, po chi sa lìngua nosta potzat setzi impari a sa lìngua de su stadu.
S’Ufìtziu de sa Lìngua Sarda po:
- furriai in sardu is àutus aministrativus, is delìberas, is determinatzionis pùblicas e is manifestus prodùsius de su Comunu e de is Assòtzius de sa bidda.
- apariciai cursus de lìngua sarda po sa genti, po is piciocheddus de sa scola e po is impreaus e is aministradoris de su Comunu;
- donai is ainas e is arregulas linguìsticas a sa genti chi bolit tradusiduras de lìteras, paperis, poesias e obras literàrias in sardu ;
- spainai is lìburus, is paperis e is documentus in lìngua sarda ;
- cuncordai presentadas e atòbius in biblioteca cun sa genti de sa bidda.

S’Ufìtziu de sa Lìngua Sarda dd’ agatais in su Comunu; aberrit su segundu e su de cuàturu mèrcuris de su mesi, de is noioras de mengianu a sa una de meigama, est a nai:
mesi de abrili : su ses e su binti
mesi de maju : su cuàturu e su dexeotu
mesi de làmpadas : su unu, su cuìndixi e su bintinoi
mesi de argiolas : su trexi e su bintiseti

Po ndi scriri de prus scriei a : alessandro.b@sabertulantiga.com

Internet: www.sabertulantiga.com/uffiziusu/Pauli_arbarei